Njia rahisi kabisa ya kuroot smartphone ya Android OS.

Kipindi cha nyuma nilishawahi kuelezea katika blogu hii maana ya rooting. Katika operating system ya Android, rooting ni mchakato wa kufungua mfumo(system) wa Android ili kuweza kupata uwezo zaidi wa kuitawala smartphone yako. Operating system huwa na makabrasha(files and folders) ambayo huwezi pata uwezo wa kuyafanya chochote mpaka utapofanya mchakato wa rooting.

Unaporoot smartphone ya Android tunasema kwamba umepata "system privileges" ikimaanisha kwamba una vipaumbele vya kuweza kuitawala operating system ya simu yako. Hii itakuwezesha kufuta apps zilizopo katika system, kuzifanya apps unazodownload katika playstore kuwa apps za system(changing application softwares into system softwares), kubadili maandishi(fonts), kuweka operating systems zisizo rasmi(custom roms) na mengineyo mengi.

Kuna njia ambazo hutumika ili kuwezesha rooting kukamilika. Unaweza tumia programu za kompyuta au programu(apps) za Android, inategemea na njia unayochagua kutumia. Kuna baadhi ya njia ambazo hupunguza ugumu wa mchakato huu. Nitaelezea njia moja ambayo kwa sasa ni rahisi sana na inakubali katika smartphone za aina nyingi mno kuanzia Huawei mpaka HTC.

Njia hii hutumia programu(app) ambayo utaidownload na kuinstall katika smartphone yako, app inafahamika kama Towelroot. Kwa kutumia app hii, rooting ni mchakato wa dakika moja tu!. Nitaeleza hatua za mchakato huu. 

Siwezi sahau BlackBerry kamwe!

Ilikuwa mwishoni wa mwaka 2008, nilimuona mtu mmoja akitumia iPhone 3GS, wakati huo ikionekana kama iPhone 6/6 Plus zilivyo sasa. Nilitumia dakika kadhaa katika kuiangalia simu ile lakini kadiri muda ulivyokuwa ukizidi kusogea nilijiuliza baadhi ya maswali kichwani, "ni kweli hii ndiyo iPhone watu wanayoongelea?"," au pengine hii ni bandia?".... na mengine mengi!

Nadhani maswali hayo yaliyotokana na mimi kuwa na mategemeo makubwa sana kuliko uhalisia wa iPhone 3GS(over anticipation). Vile nilivyosikia watu wanavyoiongelea nilitengeneza picha kubwa sana akilini. Wakati huo, nilikuwa mpenzi mkubwa wa smartphones za Nokia zilizokuwa zinatumia Symbian OS(haipo tena). Symbian OS, iliyokuwa ikitumika katika smartphones za Nokia ilikuwa maarufu sana miaka ya nyuma kabla ya mwaka 2008, ni Android OS ya enzi hizo unaweza kusema! Pengine sikuvutiwa na iPhone ile kwa sababu nilitegemea itakuwa kama smartphone ya Nokia lakini iliyo bora zaidi(more advanced).

Mwaka 2009, mnamo mwezi Juni. Niliona smartphone ya BlackBerry kwa mara ya kwanza katika maisha yangu. Tangu nikiwa mdogo nimekuwa nikipendelea sana vifaa vya kielectroniki hasa simu na saa. Sijawahi kupata furaha ya moyo kama niliyowahi pata siku ile(Eureka moment), ni kama vile mtu yule alinipa simu ile kama zawadi. Nilipatwa na mshangao wa hali ya juu sana, na nikasema hii ndiyo simu inayotoa maana halisi ya smartphone. Kwa muda ule simu hizi zilikuwa gharama sana, ilikuwa ni ngumu kumiliki simu hii kama hutahitaji kutumia pesa nyingi katika manunuzi ya simu, miaka hii simu za kawaida(feature phones) ndizo zilikuwa zikitumika sana.

Vidokezo(tips) muhimu katika matumizi ya smartphone ya kila siku.

Katika nyakati hizi za kidigitali, smartphone ni kifaa cha kielectroniki muhimu sana katika maisha ya kila siku. Inakuwezesha kuwasiliana na watu wengine duniani katika njia mbalimbali, hukuwezesha kupata huduma za mtandao(internet) katika kasi kubwa, hukuburudisha na muziki wa hali ya juu na pia kukuwezesha kupiga picha na kuweka kumbukumbu ya matukio muhimu katika maisha yako, si hivyo tu... Unaweza kufanya kazi zako muhimu katika device yako popote pale unapokwenda. Kuna baadhi ya vitu watumiaji wengi wa smartphones hawavifahamu na kwa uhakika hurahisisha matumizi yako ya smartphone kwa kuyafanya kuwa fanisi zaidi. Vidokezo hivi muhimu vitakusaidia katika matumizi yako ya smartphone na kukufanya kufurahia smartphone yako zaidi na zaidi.

Mtiririko mzima wa version za Android OS.

Android OS ni operating system ya simu inayoongoza kwa kuwa na watumiaji wengi sana duniani kote, ikitumika katika zaidi ya asilimia 80% ya smartphone zote zilizopo ulimwenguni. Moja ya vitu vinavyoifanya OS hii kupata umaarufu ni kutokana na kwamba ni mradi wa chanzo cha wazi na huru(Open Source Project), ina maana kwamba, mtengeneza smartphone yoyote atayependelea kutumia OS hii ana ruhusa kuitumia lakini kwa kuzingatia masharti ambayo yamewekwa na Google ambaye ndiye mmiliki ili kuruhusu smartphone husika kupata huduma za Google(Google Services). Ndiyo maana unaona Samsung, HTC, Sony, Xiaomi n.k wote wanatumia OS hii. Tofauti na OS nyingine kama iOS na BlackBerry OS ambazo hizi chanzo chake hakipo wazi(Closed Source), na ni mmiliki ndiye mwenye ruhusa ya kuitengeneza, kuiboresha na kutumia katika smartphone zake mwenyewe tu(Proprietary ownership).

Ubaya wa Android OS.

Wengi wetu tunapenda kutumia devices za Android. Hii inatokana na mambo mengi, mfano urahisi katika kuitumia, unafuu wa bei za devices za Android na mambo mengine mengi. Lakini pamoja na faida tele zilizopo katika matumizi ya Android OS, bado kuna vitu ambavyo ni tatizo na pengine vinapelekea baadhi ya watu kutumia devices zilizo na operating system nyingine, mfano mzuri iOS.

Nexus 7(2013), tablet ya Google iliyotengenezwa kwa ushirikiano na Asus.