Jinsi ya kuunganisha internet katika WIndows Phone.

Video hii inaelezea namna ya kuunganisha internet(mtandao) katika Windows Phone.

Fahamu Njia Rahisi ya Kupakua (Download) Videos za Youtube Katika PC Yako

Siku si nyingi katika blogu hii tuliandika kuhusu namna ya kupakua videos za Youtube katika smartphone ya Android kwa kutumia app ya OGYoutube,  Unaweza kusoma makala nzima "Njia Rahisi ya Kupakua (Download) Videos za Youtube Ukiwa na App Inayoitwa OGYoutube" HAPA. Kwa upande wa PC, tulielezea kwa kugusia tu. Makala hii itakuelezea namna rahisi ya kupakua videos kwa upande wa PC kwa undani zaidi.

Katika makala iliyopita tuliandika namna ambavyo watumiaji wa PC hupakua videos hizo, tuligusia program maalum kwa kazi hiyo kama vile Internet Download Manager (IDM) na  Free Youtube Downloader kutoka Wondershare. Pia njia nyingine ya kupakua videos hizo ni kuweka extensions kwenye browser ambazo zinafanya kazi hiyo, extensions hizi zinapatikana kwa wingi katika store ya Chrome (Chrome Webstore) kwa ajili ya browser ya Chrome lakini pia hata variants zake zinanufaika na store hiyo, pia kwa wale watumiaji wa Firefox, extensions (add-ons) zinapatikana kupitia Menu kuu ya browser hio.

Hapa ningependa kuelezea njia nyingine ambayo ni rahisi zaidi katika kupakua videos za Youtube, ambayo haihitaji program ya nje kuongeza uwezo wa browser wala haihitaji extension yoyote, njia hii ni kupitia browser yenye uwezo wa ndani (built-in functionality)  wa kupakua videos hizo, na browser ninazozungumzia hapa ni Baidu Browser pamoja na Spark Security Browser. Hizi ni browser mbili ndugu, nikimaanisha kwamba zote zinatengenezwa na kampuni moja, Baidu Global.

Fahamu uzuri wa kutumia app ya Google Photos.

Google I/O ni moja kati ya matukio makubwa kabisa katika ulimwengu wa teknolojia hasa katika upande wa bidhaa za kieletroniki zinazotumiwa na watu (consumer electronics) hususan smartphones, tablets na smartwatches, bila kusahau internet inayounganisha vitu (Internet Of Things). Ni mkutano unaokutanisha si tu developers bali hata wadau na watu wengine ambao ni wafuatiliaji wa teknolojia kutoka sehemu mbalimbali za dunia. Google hutumia mkutano huu kutambulisha teknolojia, bidhaa pamoja na huduma zake mpya. Mkutano huu hufanyika kila mwaka katikati ya robo ya pili ya mwaka (mid quarter two).

Makala hii inalenga kuelezea moja ya huduma iliyotambulishwa mwaka huu katika mkutano huo uliofanyika Mei 28 na 29 huko San Francisco, CA, USA. 

Google Photos ni huduma kutoka Google inayowezesha kuhifadhi picha pamoja  na videos, pamoja na kwamba huduma hii sio mpya sana lakini kwa mwaka huu imefanyiwa maboresho makubwa kiasi kwamba huduma hii sasa inakuwezesha KUHIFADHI PICHA PAMOJA NA VIDEOS ZAKO ZOTE BILA MALIPO, BILA KIKOMO (FREE & UNLIMITED).

Kila mtu anaweza kutumia huduma hii kwa sababu inapatikana katika sehemu(platforms) tatu, Android, iOS pamoja na Web nikimaanisha kwamba kama mtu hana smartphone au tablet ya Android, pia akiwa hana iPhone au iPad bado anaweza kupata huduma hii kupitia browser ya kompyuta yake bila kuangalia mfumo (OS) anaotumia (Windows/ Mac OSX/ Linux). 

Jinsi ya kupata "Developer options" katika smartphone ya Android.

Kuna wakati ambao unahitaji kuweka upya operating system(stock firmware) ya smartphone yako, pengine unahitaji kuweka custom rom(custom firmware) au kuroot smartphone hiyo na mengine mengi ambayo yatahusisha kubadili mfumo wa operating system ya smartphone yako kwa namna moja au nyingine. Katika kufanikisha michakato niliyotaja hapo awali kuna mlolongo wa hatua ambazo utatakiwa kupitia, moja ya suala la kuzingatia ni kuhakikisha kwamba "USB debugging mode" imewashwa(activated), na hili chaguo lipo ndani ya developer options.

USB debugging mode ipo mahususi kwa ajili ya kazi za uendelezaji wa programu(software development), hufanikisha uhamishaji wa programu/data kutoka vyanzo visivyo rasmi(unknown sources), husaidia watengeneza programu kufanya majaribio(app testing) ya software wanazotengeneza katika smartphone zao na mambo mbalimbali ukijumuisha na niliyotaja hapo mwanzo wa makala hii. 

Baadhi ya smartphone huja na chaguo la developer options likionekana wazi ndani ya mipangilio(settings), kwa bahati mbaya smartphone nyinginezo chaguo hili huwa halionekani na utahitaji kufata hatua rahisi tu ili kuweza kupata developer options. Makala hii itakuelekeza namna ya kupata developer options endapo smartphone yako ni mojawapo ya zile zisizoonyesha developer options.

Teknolojia inabadili asili yetu.

Teknolojia inazidi kukua siku hadi siku, na kwa kasi ya ajabu sana. Kama wanadamu, tunatakiwa tambua ya kwamba " unapotumia sana mawasiliano ya internet na ndivyo unajitenga na mawasiliano ya kidunia(physical interactions)". Teknolojia inatuondoa katika mazingira yanayotuzunguka na kutupeleka katika mazingira ambayo si halisi, tuna marafiki wengi wa mitandaoni kuliko marafiki tulionao shule au kazini. Tunatumia muda mwingi katika smartphones zetu kuliko kuongea na wale wanaotuzunguka.

Miaka ya zamani, kabla ya teknolojia kuitawala dunia watu walikuwa wakienda sehemu wasizozijua kwa kuelekezwa na mtu mwingine au kutumia ramani iliyopo katika karatasi. Tofauti na siku hizi, hatujui hata kusoma ramani, tunapata shida kujua alama za barabarani na hatuna muda wa kusoma maelezo yaliyopo njiani na katika majengo. Unaenda sehemu usiyofahamu? Sawa! Google Maps itakuelekeza kuanzia ulipo na upite wapi mpaka kufika unapohitaji kwenda, rahisi sana eeh!