Mahangaiko ya HTC ili kuwa na smartphones zenye kamera bora.

Miaka ya nyuma, Samsung amelalamikiwa sana kuhusu matumizi ya plastiki na ubunifu (design) hafifu wa smartphone zake. Yote yamepita na sasa imebaki historia, Kiswahili kizuri tunasema "ya kale". Ninasema " ya kale" kwa sababu sasa hivi Wakorea Kusini hawa wametambua ubunifu bora na unaokwenda na wakati, hili linajidhihirisha katika flagship smartphones zao za sasa, Samsung Galaxy S6 na Galaxy S6 Edge ambazo muundo wake wa nje umetengenezwa kwa kutumia metali ya Aluminum na Kioo kigumu (tempered glass) kinachozuia michubuko(scratch resistant) kinachofahamika kama Gorilla Glass 4. High-Tech Computer Corporation, wanafahamika maarufu zaidi kama HTC wanajua ubunifu bora wa smartphones, sio siri! Na hata wakati Samsung analalamikiwa kwa kutumia plastiki katika Samsung Galaxy S4 mnamo mwaka 2013, HTC alifahamu vizuri zaidi jinsi ya kutumia Aluminum na sio plastiki katika kutengeneza umbo la nje la HTC One M7, iliyokuwa mpinzani (rival) wa Galaxy S4.

Japokuwa HTC anafahamu vizuri ubunifu wa simu na ndiye wa kwanza kutumia metali kwa kiasi kikubwa katika uundaji wa smartphone zake, suala la kushindwa kuwa na kamera nzuri katika smartphone hizo linamnyima usingizi kabisa. Si kwamba kamera ya HTC One M8 (flagship yao ya 2014) ni mbaya, lakini ina ubora gani ukiifananisha na kamera ya smartphone kama LG G3 au Sony Xperia Z3 kwa mfano, ambao wote hawa ni wapinzani wake (rival smartphones).

Tatizo linalosababisha HTC One M7 kutoa picha mbaya katika mwanga hafifu.

HTC One M7, moja ya smartphones bora kabisa za mwaka 2013, ilizinduliwa mwezi machi mwaka huo. Mpaka leo hii, imo katika chati, na kampuni hii ya Taiwan ipo katika mchakato wa kuandaa software update ya Android Lollipop 5.0 kwa ajili ya HTC One M7. HTC One M8 ambaye ni muendelezo wa M7 tayari ameshapata update hii. Pamoja na kwamba ina ubora katika nyanja nyingi ukilinganisha na wapinzani wenzake wa kipindi hicho kama Samsung Galaxy S4 na LG G2. Lakini, kuna baadhi ya vitu havikwenda sawa. Mikakati ya kuipa nafasi simu hii katika soko la smartphone ilifeli kwa kiasi fulani hali kupelekea mauzo yake kuwa chini sana ukilinganisha na smartphone kama Samsung Galaxy S4 na pia "kamera yake ina matatizo, ambayo ni sugu". Hili tatizo la pili ndilo linalohusu makala hii.

HTC One M7.

"Ultrapixel camera", teknolojia hii ilionekana kwa mara ya kwanza katika HTC One M7. Smartphones nyingi mfano; Samsung Galaxy S5, Sony Xperia Z3 na kadhalika hutumia camera zinazoundwa na pixels zenye kiasi cha  kuanzia 1 hadi 1.4 micrometer. Ultrapixel camera inaundwa na pixels zenye size ya 2 micrometer kwa kila pixel. Kama nilivyosema awali, aina hii ya teknolojia ilikuwa ndo mara ya kwanza kutumika na hivyo ilikuwa ngumu kutambua madhara yake kwa kina kama hutafanya majaribio ya kutosha.

Tatu bora ya phablets za kununua.

"Phablet" ni jina ambalo hutumika kwa simu yenye ukubwa wa kioo kati ya inch 5.1 na 6.9. Ambapo device zote zenye ukubwa wa inch 7 na kuendelea katika display yake hutambulika kama tablet. Zile zenye inch 7,8.4 na 8.9 hujulikana kama mini-tablets mfano LG G Pad, Nexus 7,iPad mini n.k. Tangu kuja kwa devices hizi zimeonesha kupata mafanikio makubwa, safari yake ilianzia na Samsung Galaxy Note N7000 mnamo mwaka 2011. Tangu hapo tumeona Samsung wakiendelea na utengenezaji ambapo kwa sasa wana Galaxy Note 3 na makampuni mengine mengi nayo hayako nyuma mfano Htc, Sony, LG, Huawei na mengine mengi. Hii inaashiria kwamba zina wateja wengi katika soko. Kuna baadhi ya watu huwa hawapendi device kubwa sana kama zilivyo tablets na pia hawapendi device ndogo sana mfano iPhones au BlackBerry Z10, hivyo wanakuta kwamba phablet ni chaguo lao sahihi kabisa.


Hii ni tatu bora ya phablet ambazo wewe uliye mpenzi wa phablet ingefaa kununua kati ya hizi. Nimeangalia vitu mbalimbali mpaka kupata listi hii, vitu kama battery perfomance, umaridadi wa display(sharpness according to pixel density), utendaji kazi(processing power), camera na vingine vingi. Tunaanzia na namba tatu.


 3. HTC Desire 816

Phablet